Pages

Saturday, April 16, 2011

ငါရို့လက်ထဲက ရီစီးကြောင်း

အမေရိကန်ပြည်ထောင်စုရေ လက်ဟိကဗာမှာ နိုင်ငံရေးအရ စီးပွားရေးအရ ထိပ်သီးနိုင်ငံဆိုစွာ လူတိုင်းသိကတ်ပါရေ။ ကဗာကျော်တက္ကသိုလ်ကြီးတိဖြစ်တေ ဟားဗတ်၊ MIT၊ ယေးလ် စရေ တက္ကသိုလ်ကြီးတိ တည်ဟိနိန်လို့ တစ်နှစ်တစ်နှစ် တကဗာလုံးက ကျောင်းသားတိ လာရောက်ပိန်ညာ ဆည်းဖူးကတ်ရာ နိန်ရာကြီးလည်း ဖြစ်ပါရေ။ (၂၀၀၉-၂၀၁၀ ပိန်ညာသင်နှစ်စစ်တမ်းအရ အမေရိကမှာ လာရောက်ပိန်ညာ သင်နိန်ကတ်တေ နိုင်ငံခြားသားကျောင်းသား/သူ ၇ သိန်းနီးပါး ဟိပါရေ။ ထက်ဝက်လောက်က တရုတ်၊ အိန္ဒိယနန့် တောင်ကိုးရီးယားနိုင်ငံရို့က ဖြစ်ပါရေ။) ကဗာမှာ သုတေသနစာတမ်းထွက်ဟိမှု အများဆုံး၊ နိုဗာယ်ဆုရဟိမှု အများဆုံး နိုင်ငံလည်း ဖြစ်ပါရေ။

ယေကေလေ့ အဂုတလောမှာ အမေရိကဟိ အချေသငယ်တိ၏ သင်္ချာနန့် သိပ္ပံအရည်အသွေးရေ ကဗာ့ထိပ်မှာ မဟိပျာယ်ဖြစ်ကြောင်း၊ အမေရိက၏ အနာဂတ်အတွက် စိုးရိမ်ရကြောင်းဆိုပြီးကေ ဖွင့်ဆိုချက်တိကို ကြားနိန်ရပါရေ။ ကဗာ့ထိပ်သီးနိုင်ငံ ၃၄ နိုင်ငံပါဝင်ရေ ပဲရစ်အခြေစိုက် စီးပွားရေးပူးပေါင်းဆောင်ရွက်ရေးနန့် ဖွံ့ဖြိုးရေးအဖွဲ့ (Organization for Economic Cooperation & Development, OECD)
က ကျောင်းသား၊ကျောင်းသူတိ၏ အရည်အသွေးကို လေ့လာထားရေ အစီရင်ခံစာတစ်စောင်ကို ထုတ်ဝီခပါရေ။
ယင်းအစီရင်ခံစာအရ OECDရေ နိုင်ငံပေါင်း ၆၅နိုင်ငံက ကျောင်းသား/သူပေါင်း ၄သိန်း၇သောင်းကို စာမေးပွဲဖြေစီခပါရေ။ ၁၅နှစ်သား အမေရိကန် ကျောင်းသား/သူချေတိ၏ အမှတ်စာရင်းကို OECDအဖွဲ့ဝင် ၃၄ နိုင်ငံတိ၏ အမှတ်နန့်ယှဉ်ကြည့်လိုက်တေခါ သင်္ချာဘာသာရပ်မှာ အဆင့် ၂၅၊ သိပံ္ပ နန့်စာဖတ်စွမ်းရည်မှာ အလယ်အလတ်အဆင့်ရာ ကျရေလို့ ဆိုထားပါရေ။

တရုတ်နိုင်ငံ ရှန်ဟိုင်းဒေသက အချေတိကတော့ ဘာသာတိုင်းမှာ ထိပ်ဆုံးက ဗိုလ်ဆွဲလားခပါရေ။ ယင်းပိုင်ပျာယ် တခြား ဖင်လန်၊ တောင်ကိုးရီးယား၊ စင်ကာပူ၊ ဟောင်ကောင်ရို့ကလည်း အမေရိကန်ကျောင်းသားတိထက် ကောင်းရေ အမှတ်တိကို ရလားစွာကို တွိရပါရေ။
သင်္ချာဘာသာအတွက် အမှတ် ၁၀၀၀ ပီးစွာမှာ အမေရိကန်ကျောင်းသား/သူတိက ၄၈၇မှတ်၊ ရှန်ဟိုင်းကျောင်းသား/သူတိက ၆၀၀၊ စင်ကာပူက ၅၆၂၊ တောင်ကိုရီးယားနန့် ဟောင်ကောင်းက ၅၅၅၊ ဖင်လန်က ၅၄၁ မှတ် စသည်ဖြင့် ပျမ်းမျှအသီးသီးရကတ်ပါရေ။

သိပ္ပံ ဘာသာရပ်မှာ အမေရိကန်ကျောင်းသား/သူတိက ပျမ်းမျှအမှတ် ၅၀၂ နန့် OECD ၃၄ နိုင်ငံတိထဲမှာ အဆင့် ၁၇ ရာ ကျပြီးကေ အဖတ်စွမ်းရည်စစ်ပွဲမှာလည်း အမေရိက က ပျမ်းမျှအမှတ် ၅၀၀ နန့် အဆင့် ၁၄ရာ ကျပါရေ။

ယင်းOECD၏အစီရင်ခံစာရေ နိုင်ငံတကာ၏ ထူးချွန်မှုတိ၊ လက်ဟိနန့် အနာဂတ်ကို ဖော်ညွှန်းစွာတိမှာ အများလေးစားရေ သုံးသပ်စာတစ်စောင်ဖြစ်ပါရေ။ ယင်းအစီရင်ခံစာရေ ကဗာ့စီးပွားရေး (Global Economy)ခေတ်မှာ ဇာလောက်ပြိုင်ဆိုင်ဖို့ အဆင်သင့်ဖြစ်ပျာယ်လဲ ဆိုစွာကိုလည်း ရည်ညွှန်းပါရေ။ တယ်လီဖုန်းအင်တာဗျူးတစ်ခုမှာ အမေရိကန်ပိန်ညာရေး ၀န်ကြီး အင်းဒင်ကန်က "ကဗာ့စီးပွားရေးခေတ်မှာ ယှဉ်ပြိုင်နိုင်ဖို့ အမေရိကန်ကျောင်းသား/သူတိ ပိုတော်အောင် ကြိုးစားကတ်ရဖို့သိ"လို့ ၀န်ခံစကား ဆိုလားပါရေ။

သင်္ချာနန့် သိပံ္ပဘာသာပြဆရာ ၁၀၀ ကျော်ကို ဂုဏ်ပြုရေ အခမ်းအနားမှာ သမ္မတ အိုဘားမားက "ကျနော်ရို့၏အနာဂတ်က မရေမရာဖြစ်နိန်ပါရေ။ အဂုကနိန် လူများထက်တော်နိန်မှ အနာဂတ်မှာလည်း လူများထက် တော်နိုင်ဖို့ဖြစ်တယ်"လို့ ဆိုခပါရေ။ ကျောင်းသားများ၏ သင်္ချာနန့်သိပ္ပံ အရည်အသွေး တိုးတက်လာဖို့အတွက် ဒေါ်လာသန်း ၂၅၀ကို လျာထားပြီးကေ သင်္ချာ၊ သိပ္ပံ ၊ နည်းပညာ၊ အင်ဂျင်နီယာသင် ဆရာ၊ဆရာမဦးရေ တိုးချဲ့ရေး၊ ယင်းဆရာ၊ဆရာမတိ၏ အရည်အချင်းပိုကောင်းရေးအတွက် လုပ်ဆောင်နိန်ပါရေ။

အကျွန်ရို့မှာဘာဝါ ဇာလောက် ကဗာ့စီးပွားရေးခေတ်မှာ ယှဉ်ပြိုင်နိုင်အောင် ကြိုးစားထားကတ်ပါပျာယ်လဲ။ စနစ်မကောင်းစွာကတော့ အေမှာ အကျယ်ချဲ့ပြီးကေတော့ ပြောဖို့မလိုထင်ရေ။ ထိုတစ်ရက်နိန့်ကပဲ ကိစ္စတစ်ခုနန့် ကားထက်မှာ ရှေ့နေမတစ်ယောက်နန့် စကားလက်ဆုံကျမိပါရေ။ ယင်းသူက အမေရိကန်သူဖြစ်လို့ ဗမာပြည်အကြောင်းကို သိချင်လို့ မိန်းခွန်းတိ တရစပ်မိန်းရေ။ ပြောယင်းနန့် အစိုးရ၏ ထောက်လှမ်းရေးကွန်ယက်အကြောင်းဘက်ကို ရောက်လားရေ။ ယေခါ သူက မင်းရို့မှာ အေလောက် ကြီးရေ ထောက်လှမ်းရေးကွန်ယက်ဟိလို့ ဖဲ့ချာအများကြီးကုန်ဖို့နင်းရာလို့ ကောက်ချက်ချရေ။ အကျွန်ကလည်း ပြောလိုက်တေ။ ယင်းဖဲ့ချာတိကိုရာ ပြည်သူတိပိန်ညာရေး၊ ကျန်းမာရေးစရေ ကဏ္ဍတိမှာရာ သုံးလိုက်ကေ ဇာလောက် အကျိုးဟိဖို့လဲလို့။

ပညာရေးစနစ်တစ်ခုလုံး ပြောင်းသင့်စွာက လူတိုင်းသိကတ်ပါဖို့။ စိုင်းစားဖို့၊ နားလည်ဖို့၊ အသုံးချတတ်ဖို့ သင်ကတ်ရပါဖို့။ အလွတ်ကျက်သင်ကြားမှုစနစ် (rote learning)၊ နံပါတ်တွိကေ သိရေပုံသေနည်းမှာ အစားထိုးပြီးကေ ဖြေယှင်းတတ်တေ ပုစ္ဆာဖြေယှင်းနည်း (Plug-in Problem Solving)စနစ်တိကို ပျင်လားဖို့ လိုပါရေ။ အကျွန်ရို့အချေခါ စစ်တွေမှာ ကျောင်းတက်ခရေခါ ဘာသာတစ်ခုမှာ ဟိရေ conceptsချေတိထဲက ပုစ္ဆာတိကို ကျောင်းကြီးမှာလည်းလုပ်၊ ကျူရှင်မှာလည်းလုပ်၊ အိမ်မှာလည်းလုပ်၊ အစမ်းစာမေးပွဲတိမှာလည်းလုပ်၊ ယင်းပိုင် အဖန်တလဲလဲလုပ်တေခါ ကြာကေ၊ ဥပမာ စာမေးပွဲကြီးကျကေ ယင်းပုစ္ဆာ၏ အဖြေကိုတောင် မှတ်မိလားရေ အဆင့်ကို ရောက်လားပါရေ။ ပါလာရေ ပုစ္ဆာတိကလည်း မပြောင်းမလဲယင်းအတိုင်းဆိုခါ စိုင်းစားစရာတောင်မလို၊ မိန်းခွန်းတစ်ခုလုံးကိုတောင် ပြီးအောင် ဖတ်ဖို့ မလိုမျိုး ဖြစ်လာပါရေ။ ယေကေ အေဂုမှတ်မိလားဆိုကေ ဇာမှန်းတောင်မသိပါပျာယ်။

ယင်းစနစ်မှာ ကြီးပြင်းလာရေ လူတစ်ယောက်အနေနန့် အေဘက်ခြမ်း(အမေရိက)မှာ ကျောင်းတက်လာရေခါ မနည်း ရုန်းရပါရေ။ ပုစ္ဆာတိက အမြဲတမ်း လှည့်ထားရေ။ တသမတ်တည်း မဟိ။ ဖြေရရေ အချိန်ကလည်း ကောင်းနည်းရေ။ အကျွန် အင်ဂျင်နီယာလိုင်စင်စာမေးပွဲ ဖြေခါတုန်းကဆိုကေ ၈ နာရီစာမေးပွဲကို အပိုင်း ၂ ပိုင်းခွဲထားပါရေ။ ပထမပိုင်း ၄ နာရီမှာ မိန်းခွန်း ၁၂၀ ကို ဖြေရရေ။ တစ်ခုကို ၂ မိနစ်ကျ။ ဘာသာရပ်ပေါင်း ၂၀ ကျော် ပါရေ။ အားလုံးက unseen ပုစ္ဆာတိ။ ဒုတိယပိုင်းကျခါ တစ်ခုကို ၄ မိနစ်ကျရရေ။ ယေကေလေ့ ပုစ္ဆာတိကို တပျင်းလှည့်ထားပါရေ။

ဆရာမတိကို နိန်ရာချစွာကိုလေ့ ကြည့်လိုက်။ လွတ်တေနိန်ရာကို ချပီးရေ။ ဇာဘာသာနန့် ပြီးလာ ပြီးလာ၊ ဂရုမစိုက်။ ၀ိဇာနန့် ပြီးလာရေ ဆရာမကိုလည်း လွတ်ကေ သိပ္ပံ၊ သင်္ချာ ပြခိုင်းရေ။ ဆရာမတိ ကြိုးစားပြစွာကတော့ ယုံမှားသံသယမဟိပါ။ တပည့်တိအပေါ်မှာ စေတနာထားစွာက အမေရိကားက ဆရာတိနန့် တခြားစီ။ ယေကေလေ့ ဖြစ်သင့်စွာက ဆရာ၊ဆရာမတိ အားကောင်းရေ၊ ကျွမ်းကျင်ရေ ဘာသာရပ်တိကိုရာ ချပီးသင့်ပါရေ။ ပြခိုင်းသင့်ပါရေ။ အချေတိ၏အနာဂတ်က ယင်းဆရာတိ၊ ဆရာမတိ၏ လက်ထဲမှာပါ။ တိုင်းပြည်၏ အနာဂတ်ကလည်း ယင်းဆရာ၊ဆရာမတိအပေါ်မှာ အများကြီး မူတည်ပါရေ။

အေဂုဆိုကေ တရုတ်နိုင်ငံမှာ အယင်ကသုံးနိန်ရေ အလွတ်ကျက်သင်ကြားမှု စနစ်တိကို လျှော့လာပါပျာယ်။ နိုင်ငံတကာနန့် ပြိုင်ဆိုင်ရေခါ လူများစွာကိုပဲ အမြဲတမ်းအတုခိုးမနိန်ပဲ မိမိကိုယ်တိုင် တွီထွင်ဆန်းသစ်မှုတိ လုပ်နိုင်အောင် ကြိုးစားလာနိန်ကတ်ပျာယ် ဖြစ်ပါရေ။ ယင်းပိုင်ပျာယ် အကျွန်ရို့ပြည်မှာလည်း ပြောင်းသင့်စွာကို ပြောင်း၊ တော်ရေ အချေတိကို ကဗာ့နာမယ်ကြီး ကျောင်းတိကို ပညာသင်ပို့ကတ်ရဖို့မဟုတ်ပါလာ။ ဆရာမတိကိုလည်း နိုင်ငံခြားကို အေဂုထက်မက ပိန်ညာသင် အများကြီး ပို့ကတ်ရဖို့။ အနီးအနား မလေးရှား၊ အင်ဒိုနီးရှားရို့တောင် တစ်နှစ်တစ်နှစ် တပျင်းပို့နိန်ကတ်ပါပျာယ်။ အင်ဒိုနီးရှားဆိုကေ ကဗာ့ကွန်ပျုတာနန့် ဆက်သွယ်မှုနည်းပိန်ညာအသုံးပြုဆုံး နိုင်ငံတိစာရင်းမှာ အယင်နှစ်ထက် ၁၄ နိန်ရာ ကျော်ပြီးကေ အဆင့် ၅၄ ကို ရောက်ဟိလားပါပျာယ်။ ဘရာဇီးနန့် ရရှားနိုင်ငံရို့ထက် အဆင့်ကျော်လားခြင်း ဖြစ်ပါရေ။ ယင်းချင့်က အစိုးရ၏ သတင်းနန့်ဆက်သွယ်မှုနည်းပိန်ညာ ကဏ္ဍတိမှာ ငွေကြေးအမြောက်အမြား မြုပ်နှံမှုနန့် ပိန်ညာရေး အဆင့်အတန်း မြင့်မားလာမှုရို့ကြောင့်
ဖြစ်တေလို့ နယူးယော့ခ်တိုင်းမ် သတင်းစာကြီးက ရွီးသားလားပါရေ။

ပြည်ထဲကလူတိက စနစ်ပျက်မှာနိန်ကတ်ရလို့ဆိုကေ ပြည်ပရောက်နိန်ရေ လူတိကဘာဝါ။ ဇာလောက် သင်္ချာ၊သိပ္ပံ ၊ အဖတ်စွမ်းရည်ရေ ဇာလောက် အရေးပါလဲဆိုစွာကို သိထားကတ်ပါပျာယ်လဲ။ နိုင်ငံတစ်နိုင်ငံ၊ လူမျိုးတစ်မျိုး တိုးတက်ဖို့အတွက် အမိအဖထက် သားသမီးက ပိုတော်နိန်ဖို့ လိုပါရေ။ ယင်းပိုင်ပျာယ် ကိုယ့်မှာ မွီးလာရေ သားသမီးတိကလည်း ကိုယ့်ထက် တော်နိန်ဖို့ လိုပါရေ။ နိုင်ငံတစ်နိုင်ငံ၊ လူမျိုးတစ်မျိုးကို မိသားစုပေါင်းများစွာနန့် ဖွဲ့စည်းထားခြင်းဖြစ်ပါရေ။ ယင်းမိသားစုတိုးတက်အောင် ဇာလုပ်ထားကတ်ပါပျာယ်လဲ။ အင်တာနတ်ကို ငါရို့က အကျိုးဟိဟိ အသုံးချနိန်ရေ ဆိုပြီးကေ တစ်ခုလေ့ မလေ့လာ မလိုက်စားပဲနန့် ဗမာကား ထိုင်ကြည့်နိန်လို့တော့ မရပါ။ လူတိက ကဗာတစ်ခုလုံးနန့် ယှဉ်ပြီးကေ ပြိုင်နိန်ကတ်တေ အချိန်မှာ ပိန်းတောထဲမှာ ဓားအကပြနိန်လို့တော့ မရပါ။

အကျွန်ရို့မှာ မပြည့်စုံမှုတိ ဟိပါရေ။ အကျွန့်မှာဆိုကေလည်း တပုံကြီးပါ။ အေမှာ ချရွီးလို့တောင် ကုန်ဖို့မဟုတ်။ ယေကေ မသိကေ သင်ကတ်ရဖို့ပါ မနားယေ။ လူတော်ပညာသျှင်တိနန့် ပေါင်းရဖို့၊ သင်ယူရဖို့မဟုတ်ပါလားယေ။ ကိုယ့်ထက်သိရေ ဆရာတိပါးမှာ တပည့်ခံရစွာရေ သိမ်ငယ်စရာမဟုတ်ပါ။ ကိုယ်ရချင်စွာ ကိုယ်သိချင်စွာကို ဖြစ်အောင် ယူတတ်ခြင်းကသာလျှင် ဂုဏ်ဒြပ်တစ်ပါးပါ။ ဆရာဆိုစွာမှာလည်း အသားအရောင်၊ လူမျိုး၊ နယ်နိမိတ် ကွဲခြင်းမျိုး မဟိပါ။ ကိုယ်မသိစွာကို သူသိရေ ဆိုကေ ဇာအသားအရောင်၊ ဇာလူမျိုးပဲဖြစ်ဖြစ် ချဉ်းကပ်နည်းနာ ယူတတ်ကတ်ရဖို့မဟုတ်ပါလာ။

အမေရိကပိုင် နိုင်ငံကတော့ သူရို့ထိပ်တန်းမှာ အမြဲတမ်းဟိနိန်ဖို့ သုံးသပ်ဝေဖန်၊ ပြုပြင်စီမံနိန်ကတ်ပါရေ။ အနာဂတ်ခိုင်မာတောင့်တင်းရေးအတွက် အရေးပါရေ လူ့အရင်းအမြစ်၊ ပိန်ညာရေး စနစ်တိကို အေထက်ကောင်းအောင် လုပ်နိန်ကတ်ပါပျာယ်။ အတိတ်ရခိုင်ပြည်၊ ရခိုင်သမိုင်းကို ပြောတိုင်း အကျွန်ရို့ ဂုဏ်ယူကတ်ရရေပိုင် အနာဂတ်မှာ ဂုဏ်ယူနိုင်အောင်လည်း ကြိုးစားကတ်ရဖို့မဟုတ်ပါလာ။ ရီလမ်းကြောင်းဆိုစွာ ပိတ်ထားလို့ မရပါ။ ရီဆိုစွာ အေဘက်က ပိတ်ထားကေ နောက်တစ်ဘက်က လမ်းကြောင်းလွှဲပြီးကေ စီးတတ်ပါရေ။ အကျွန်ရို့လည်း ပစ္စုပ္ပန်နန့် အနာဂတ် ခိုင်မာတောက်ပြောင်လာဖို့ အတွက် လမ်းသစ်ထွင်လို့ ရည်မှန်းရာကိုရာ စီးနိုင်ကတ်ဖို့ဆိုကေ.....

Reference

1. Institute of International Education, International Student Enrollments Rose Modestly in 2009/10, Led by Strong Increase in Students from China, http://www.iie.org/en/Who-We-Are/News-and-Events/Press-Center/Press-Releases/2010/2010-11-15-Open-Doors-International-Students-In-The-US, accessed on April 16, 2011.

2. The Christian Science Monitor, Obama directs $250 million for science and math education, http://www.csmonitor.com/USA/Education/2010/0106/Obama-directs-250-million-for-science-and-math-education, accessed on April 16, 2011.

3. The New York Times, U.S Lagging in Using Technology, Study Shows, http://www.nytimes.com/2011/04/13/technology/13compute.html?_r=1&ref=science, accessed on April 16, 2011.

4. Bloomberg, U.S Teens Lag as China Soars on International Test, http://www.bloomberg.com/news/2010-12-07/teens-in-u-s-rank-25th-on-math-test-trail-in-science-reading.html, accessed on April 16, 2011.

1 comments:

Sara Dr. Twan Twan Soe said...

www.kingthardhamma.blogspot.com

Post a Comment

 
© Copyright by AS  |  Template by Blogspot tutorial