မျှော်လင့်မိပါသည်

လွန်ခရေအပတ်က ဂျွန်အက်ဖ်ကက်နေဒီအကြောင်း ဆောင်းပါးတစ်ပုဒ်ကို ဖတ်ယင်းနင့် စိတ်ဝင်စားစရာ သူ့မိန့် ခွန်းတစ်ခုကို လားတွိပါရေ။ “ငါသည် ကောင်းမွန်ပြောင်မြောက်သော အနာဂတ်အမေရိကန် ပြည်ထောင်စုကို မျှော်လင့်သည်။ စစ်အင်အားကို လူ့ကျင့်ဝတ်တိနင့်ထိန်းချုပ်နိုင်ရေ အနာဂတ်၊ အမြော်အမြင်ကြီးမှုတိနင့် ချမ်းသာရေ အနာဂတ်၊ ဟိရေ သြဇာအာဏာကို ဦးတည်ချက်ကောင်းနင့် တည့်မတ်ပီးနိုင်ရေ အနာဂတ်၊ ယင်းပိုင် အနာဂတ်တိကို မျှော်လင့်ရေ။”

ယင်းစကားတိထဲမှာ အရေးကြီးရေ စကားလုံး ၅ ခုကို တွိရပါဖို့။ အင်အား၊ ကျင့်ဝတ်ဆိုင်ရာ ထိန်းချုပ်မှု၊ အမြော်အမြင်ကြီးသော ချမ်းသာမှု၊ သြဇာအာဏာ၊ ဦးတည်ချက် ရို့ဖြစ်ပါရေ။ အမေရိကပိုင် စစ်အင်အားကြီးနိုင်ငံက အီရတ်နိုင်ငံ ဖလူးဂျာ(Fallujah)ဒေသမှာ အမေရီကန်စစ်သားတိ အသီအပျောက်များလွန်းရေခါ ကွန်ဂရက်စ်မှာ နယူးကလီးယားလက်နက်ချေတစ်ခုသုံးပနာ နှက်ပလိုက်ရဖို့ ဆိုပြီးကေ လွှတ်တော်အမတ်တချို့က ပြောခကတ်ပါရေ။ ယေကေလေ့အများစုက လူ့ကျင့်ဝတ်ဆိုင်ရာ ထိန်းချုပ်မှုတိနင့်ထိန်းချုပ်ခကတ်ပါရေ။ ယင်းပိုင်ပျာယ် လူတိုင်းမှာ သူ့စွာနင့်သူ အင်အားတိ ဟိကတ်ပါရေ။ ယင်းအင်အားကို အကျိုးယုတ်လားနိုင်ရေ ကိစ္စရပ်တိမှာ လူ့ကျင့်ဝတ်နိတိ တိနင့်ထိန်းကတ်ရပါဖို့။ ဥပမာ - အိန်တာနတ်စာမျက်နှာမှာ ပြောဆိုဆွေးနွေးကတ်တေနိန်ရာမှာ ကိုယ့်အမျိုးသားအကျိုးစီးပွားကို ထိခိုက်စီရေ လုပ်ငန်းရပ်တိဆိုကေ လူ့ကျင့်ဝတ်အသိ၊ အမျိုးသားရေအသိတိနင့် ထိန်းကတ်ရပါဖို့။

နောက်တစ်ခုက အမြော်အမြင်ကြီးရေ ချမ်းသာမှု။ အေချင့်ကတော့ ကောင်းပြောဖို့မလိုလို့ ထင်ပါယင့်။ ဖဲ့ချာဇာလောက်ချမ်းသာပတ်စီ အမြော်အမြင်မကြီးကေ အလကားပါပျာယ်။ ယင်းပိုင်ပျာယ် ရခိုင်ပြည်ကို ဇာလောက်ချစ်တေပြောပတ်စီ အမြော်အမြင်ကြီးရေ ရင့်ကျက်တေ အမျိုးသားရေးကို မလုပ်နိုင်ကေ ရည်မှန်းရေ ပန်းတိုင်က အမြဲတမ်း ၀ီးနိန်ပါဖို့။ အေသူပါရေ အဖွဲ့မှာ ငါမလုပ်ဆိုစွာမျိုး၊ အေသူရို့က ကုလားကို တိုက်နိန်စွာရာ၊ အေသူရို့က ဗမာစစ်အစိုးရကို တိုက်နိန်စွာရာ၊ အေသူရို့က လူမှုရေးပဲလုပ်စွာရာ ဆိုစွာမျိုးတိကို ရှောင်ကတ်ရပါဖို့။ ကိုယ်နိုင်ရေ တက်နင့် ကိုယ်လောင်းကိုရာ အယင်လှော်နိုင်အောင် ကြိုးစားရပါဖို့။ တခြားလောင်းကို မြှုပ်ဖို့ မကြိုးစားသင့်ပါ။ ယင်းပိုင်အမျိုးသားရေးစိတ်ဓာတ် မရင့်ကျက်သရွိ၊ အမြော်အမြင်မကြီးပဲ ကိုယ့်အမျိုးသားအချင်းချင်းကို နှိမ်နိန်သရွိ ကျွန်ဘ၀က လွတ်မြောက်ရေး၊ ရခိုင်ပြည်ကြီးတိုးတက်ထွန်းပြောင်ရေး ပန်းတိုင်ကို ရောက်နိုင်ဖို့မဟုတ်ပါ။

နောက်တစ်ခုက သြဇာအာဏာနန့် ဦးတည်ချက်ပါ။ အဖွဲ့အစည်းတစ်ခု၏ ဂေါင်းဆောင်သည် ဇာလောက်မှ မဟိရေ ဂေါင်းဆောင်အာဏာကို အလွဲသုံးစားလုံးပနာ NLDပုံစံမျိုး လူငယ်သစ်တိကို မြေတောင်မမြှောက်ပဲ၊ အနာဂတ်မျိုးဆက်သစ်လို့မမြင်ပဲ ဂလန့်ဂလန့်အကောင်တိပဲလို့ လားမြင်ကေ ရခိုင်အမျိုးသား အကျိုးစီးပွားဆိုရေ ဦးတည်ချက်နင့် လွဲနိန်ပါဖို့။ နိုင်ငံတစ်နိုင်ငံမှာ ဥပဒေဟိရေပိုင် အဖွဲ့အစည်းတစ်ခုမှာလည်း ဥပဒေဟိပါဖို့။ No one is above the law. ဇာသူလေ့ ယင်းဥပဒေအထက်က ရပ်လို့မရပါ။ ဥပဒေက ၂နှစ်သက်တမ်း ဥက္ကဌရာထူးကို လျာထားကေ ၂ နှစ်ပြည့်ကေ ဆင်းပီးရပါဖို့။ ပြန်လည်ရွီးကောက် ခြင်းခံရကေတော့ ဆက်လုပ်လို့ရပါဖို့။ ရာသက်ပန် ဥက္ကဌတော့ လုပ်ချင်လို့မရပါ။ ရထားတွဲကို ဦးဆောင်ရေ ရထားဂေါင်းက သတ်မှတ်ထားရေ ဦးတည်လားရဖို့လမ်းကို မလားကေ နောက်က ရထားတွဲတိအတွက် ကောင်းအခက်အခဲဟိပါဖို့။

ရခိုင်ပြည်တိုးတက်ရေး၊ ရခိုင်သားများ ကျွန်ဘ၀က လွတ်မြောက်ရေးသည် ရခိုင်သား၊သမီးရို့အားလုံးမှာ တာဝန်ဟိပါရေ။ ယင်းလူအားလုံး၊ ယင်းလူတိပါဝင်ရေ အဖွဲ့အစည်းတိအားလုံးမှာ သူ့စွာနင့်သူ အင်အားတိ ဟိကတ်ပါရေ။ ယင်းအင်အားကို သုံးပြီးကေ အမျိုးသားရေးပန်းတိုင်ကို လားရေခါ ချစ်ချစ်ခင်ခင် မဟုတ်ကေတောင်မှာ အမုန်းမပွားပဲနင့် ကျင့်ဝတ်သိက္ခာဟိစွာနင့် အမြော်အမြင်ကြီးစွာနင့် ထိန်းထိန်းသိမ်းသိမ်း လားကတ်ရဖို့မဟုတ်ပါလာ။ တစ်ဦးချင်းစီတာဝန်သိသိနင့် ရရေတာဝန်၊ ဟိရေ သြဇာအာဏာစိကေချေတိကို ရခိုင်အမျိုးသားအကျိုးစီးပွားဆိုရေ ဦးတည်ချက်နင့် ခရီးလားကတ်ကေ ရခိုင့်အနာဂတ်စွာလည်း ကောင်းမွန်ပြောင်မြောက်လာဖို့စွာမှာ ဧကန်မုချမဟုတ်ပါလာ။

ဒီဇင်ဘာလ ၂၀၊ ၂၀၁၀ ခုနှစ်